اُردو انجمن

 


مصنف موضوع: انڈہ بینگن گھوٹالہ  (پڑھا گیا 403 بار)

0 اراکین اور 1 مہمان یہ موضوع دیکھ رہے ہیں

غیرحاضر Ismaa'eel Aijaaz

  • Saaheb-e-adab
  • *****
  • تحریریں: 3214
انڈہ بینگن گھوٹالہ
« بروز: جون 17, 2017, 10:44:44 شام »


قارئین کرام آداب عرض ہیں رمضان میں طرح طرح کے کھانے تناول فرمارہے ہوں گے آپ احباب آئیے آپ کو انڈہ بینگن گھوٹالہ کے بارے میں کچھ مفید معلومات سے متعارف کرواتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمارے ایک دوست تھے اسلم بھائی ہوا یوں کہ ہم ایک فرانسیسی کمپنی سوجیا پاکستان میں انجینیئرنگ ڈپارٹمنٹ کے تحت جناح ٹرمینل کو تعمیر کر رہے تھے غالباً 1990 کی بات ہے اس وقت آتش جوان تھا ہم پیار سے اسلم بھائی کو اسلم پنگا کہتے تھے اسلم پنگا پرانا گولیمار میں رہا کرتے تھے روزانہ اپنی پھٹ پهٹی پر سوار ائیر پورٹ آیا جایا کرتے تھے . ہم سب دوست وہیں کنسٹرکشن ایریا میں موجود جهگی یا ڈهابہ ہوٹل میں لنچ ایک ساتھ کیا کرتے تھے جبکہ اسلم بھائی گھر سے کھانا لایا کرتے تھے اور ہمارے ساتھ نہیں کھاتے تھے چھپ کر کها لیا کرتے تھے
ایک دن ہم نے پلان بنانا اور اسلم بھائی کو گھیر لیا کہ آج ہمارے ساتھ مل کر کھانا کھاؤ لیکن اسلم بھائی کی ایک ہی رٹ تھی کہ تم لوگ کها لو میرا انتظار مت کرو مگر کہاں صاحب رضیہ آج ہی تو پھنسی تھی وہ بھی شریفوں میں :)
خیرصاحب اسلم بھائی کا ٹیفن بکس کھولا گیا تو کچھ غیر معروف ڈشِ انواعِ اجنبیہ سے ملاقات کا شرف و دیدارِ دیرینہ حاصل ہوا کسی کی سمجھ میں نہیں آ رہا تھا کہ آخر کیا پکا رکھا ہے بہت دماغ لڑایا انجینیئرنگ کی ساری اصطلاحیں آزمائیں ڈیزائین و اسپیسیفیکیشن میں پرکھا مگر نتیجہ ندارد ہوا بس لیباریٹری بھیجنے کی دیر تھی کہ ڈیزائین مکس کے اجزائے ترکیبی کو جانچا جائے الغرض کسی نے کچھ تو کسی نے کچھ کہا کہ فلاں چیز ہے فلاں ڈش ہے مگر اسلم بھائی بالکل نہ مانیں اور ادائیں دکھاتی دلہنیا کی طرح منہ میں پان دبائے بس مسکرائے جائیں اور بغیر گھونگھٹ کے کسی گوری کی طرح شرمائیں . ہم نے ہار مانتے ہوئے کہا چلیے آپ ہی بتائیے کہ آج آپ کھانے میں یہ کیا لائے تو ایک ادائے کافرانہ اور مسکراہٹ قاتلانہ طرزِ فاتحانہ صورتِ معصومانہ بنا کر بولے
انڈہ بینگن گھوٹالہ
:) :) :) :)۔۔۔۔۔۔۔۔۔۔۔۔۔۔۔۔۔۔۔۔۔۔ ِِِِِ>>>>>>>  :D

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیال


محبتوں سے محبت سمیٹنے والا
خیال آپ کی محفل میں آچ پھر آیا

خیال

muHabbatoN se muHabbat sameTne waalaa
Khayaal aap kee maiHfil meN aaj phir aayaa

(Khayaal)

 

Copyright © اُردو انجمن