اُردو انجمن

 


مصنف موضوع: کوئی دل ٹوٹتا ہے جب بہت تکلیف ہوتی ہے  (پڑھا گیا 120 بار)

0 اراکین اور 1 مہمان یہ موضوع دیکھ رہے ہیں

غیرحاضر Ismaa'eel Aijaaz

  • Saaheb-e-adab
  • *****
  • تحریریں: 3214
کوئی دل ٹوٹتا ہے جب بہت تکلیف ہوتی ہے
« بروز: نومبر 15, 2017, 09:58:44 شام »

قارئین کرام آداب عرض ہیں امید ہے آپ سب بخیریت ہوں گے ایک تازہ کلام فی البدیہہ اسی نشت میں پیشِ خدمت ہے امید ہے پسند آئے گا اپنی آرا سے نوازیے

عرض کیا ہے


۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوئی دل ٹوٹتا ہے جب بہت تکلیف ہوتی ہے
کہ دلبر ہی خفا ہے جب بہت تکلیف ہوتی ہے
 
تمسخر طنز و نفرت کے نہ مجھ پر تیر برساؤ
نشانہ چوکتا ہے جب بہت تکلیف ہوتی ہے

ہمارے درمیاں رشتہ محبت کا رہے قائم
تعلّق ٹوٹتا ہے جب بہت تکلیف ہوتی ہے

کسی دشمن کے لہجے سے ملی اتنی نہیں تلخی
رویہ آپ کا ہے جب بہت تکلیف ہوتی ہے

اجاگر ہو ترے دل میں بھی اب احساسِ محرومی
کہ اپنا روٹھتا ہے جب بہت تکلیف ہوتی ہے

نہیں ہم دوسروں کے واسطے خود کو بدل سکتے
بدلتا راستہ ہے جب بہت تکلیف ہوتی ہے

تمہیں اپنے سوا کوئی نہیں اچھا نظر آتا
یہ ہم میں فاصلہ ہے جب ، بہت تکلیف ہوتی ہے

کوئی طوفاں لبِ مژگاں دلِ سوزاں رُکے کیسے
کہ بندھن ٹوٹتا ہے جب بہت تکلیف ہوتی ہے

خیالؔ آؤ ہم اپنے اس رویّے کو بدل ڈالیں
زمانہ بولتا ہے جب بہت تکلیف ہوتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 آپ کی توجہ کا طلبگار

اسماعیل اعجاز خیالؔ
« آخری ترمیم: نومبر 15, 2017, 10:38:53 شام منجانب Ismaa'eel Aijaaz »


محبتوں سے محبت سمیٹنے والا
خیال آپ کی محفل میں آچ پھر آیا

خیال

muHabbatoN se muHabbat sameTne waalaa
Khayaal aap kee maiHfil meN aaj phir aayaa

(Khayaal)

 

Copyright © اُردو انجمن