اُردو انجمن

 


مصنف موضوع: اے نگارِ وطن  (پڑھا گیا 25 بار)

0 اراکین اور 1 مہمان یہ موضوع دیکھ رہے ہیں

غیرحاضر imran kamal

  • Adab Shinaas
  • **
  • تحریریں: 392
اے نگارِ وطن
« بروز: اگست 12, 2018, 04:05:59 صبح »
ایک ترانہ پیش ِ خدمت ہے۔

اے نگارِ وطن ،پیارے پیارے وطن
تجھ پہ قربان تن، تجھ پہ قربان من

ہے شہیدوں کا خوں، تیری تعمیر میں
رنگ خوں سے بھرے تیری تصویر میں
اس کے شاہد ترے ہیں یہ کوہ و دمن
اے نگارِ وطن ،پیارے پیارے وطن

سر زمینِ وطن یوں نہ ہم کو ملی
کھال کھینچی گئی اپنے اجداد کی
سر پہ باندھے ہوئے سب تھے نکلے کفن
اے نگارِ وطن ،پیارے پیارے وطن

جو بھی دیکھے تجھے دیکھتا ہی رہے
چشمِ بد دور ہو بے ارادہ کہے
گل زمیں ہے تری اور نیلا گگن
اے نگارِ وطن ،پیارے پیارے وطن

خاک تیری ہمیں پیاری ہے جان سے
تیرے پرچم تلے جیتے ہیں شان سے
تو ہے سر کا جنوں تو ہے دل کی لگن
اے نگارِ وطن ،پیارے پیارے وطن



 

Copyright © اُردو انجمن