Hum Qafia Alfaaz.......post#1

[Khadim Gillani]

Tamam Ahbaab ke Zoaq-e-mutalah ki nazr

[سرور عالم راز]

muHibee Khaadim SaaHeb: aadaab!

aap kaa yeh silsilah dekhaa. is se qabl Khaawar SaaHeb ne bhee aisaa hee kaam shuroo' kiyaa thaa lekin woh itnaa munazzam naheeN thaa jitnaa yeh hai. shaayad aap ne kisee kitaab se yeh iqtibaasaat liYe haiN. in kee ifaadiyat apnee jagah hai.

maiN aap kee himmat aur meHnat kee qadr karte huwe daad detaa hooN. mushkil yeh hai keh Urdu waale aisee cheezoN kee jaanib ziyaadah der tak tawajjuh murtakiz rakhne ke qaa,il naheeN haiN! so aise bohat se silsile jald apne fit^ree anjaam ko poNhach jaate haiN!

maiN aap kee himmat-shikanee naheeN kar rahaa hooN bal.k aap ko ishaarah hai keh agar log is kee munaasib paZeeraayee nah kareN to bad-dil nah ho,iYe gaa!

apnee koshish par meraa shukriyah aur sitaayish!

Sarwar A. Raz "Sarwar"

[زاہدہ رئیس راجی]

Aadaab Khadim Gillani SaaHeb:

Aap kee koshish mashaAllah qaabil e teHseen hai jiske liYe ham aap ke bohat mamnoon heN.

mujhe yaqeen hai keh woh nau-mashq eHbaab jo Ghazal likhte hoove
qaafiye ke silsile meN KhaSe pareshaan hote heN unheN is se bohat faahidah HaaSil ho gaa.

Wassalam
Zahida Raees Raji

[Khadim Gillani]

Aadaab
         Sarwar saaheb  koe meri hoslahafzaae karenah  kare aap ki mohabbat hi mere
          liye kaafe hai.aap ke elaawah agar  doosre ahbaab meri  mehnat ki  qadr karte  hai,n  to  mai,n  unka bhi buhat mamnoon hoo,n. mai,n  ne  to yeh  soch kar
kaghaz aur qalam ka saath nibha raha hoo,n keh ilm  ki rooshni  se  doosroo,n ko
faaeydah pohchana hi insaaneyat hai.F/A ka taalib ilm kar bhi kyaa sakta hai. jahaa,n tak us ka sha,oo,r hoga wahaa,n tak hi apne  ahbaab ko  kuch   nah  kuch
faraaham kar  sake  ga.  hamaare gaa,oo,n mai,n buhat  kam log  hai,n jo  adabi zoaq  rakhte hai,n .lekin wo  bhi  aise jo apni kutab  se kisi  doosre  ko  istafaadah karne  ka moqah bhi nahi dete  .issi baat ko madd-e-nazar rakhte huye mai,n ne yeh faisalah kiya hai keh  jahaan tak mujh se ho  sake adabi  zoaq rakhne wale  logoo,n ki  khidmat karoo,n .mujhe yeh jazbah apne  gaa,oo,n ki aik  azim shakh,siyat(Janab Mukhtyaar Ahmad Saaqi  Gujrati..jo punjabi ke  mash,hoor-o-mahroof shair  thay  aur unko taqreeban 1997 mai,n unke nahtiya majmohay par hakoomat-e-Pakistan ki taraf  se adabi  awaard bhi mila tha)se mila hai jin ka ab intaqaal ho chuka  lekin mere liye  wo aaj bhi zindah hai,n kouyk(Rehte hai,n sadaa ehl-e-nazar mit,te nahi  hai,n).aaj mai,n jo kuch bhi hoo,n unki shakheyat  se mutaasar hone  ki wajah  se hoo,n.
                Sarwar saaheb  bas aap mere liye dua kar  diya karai,n .
                aur  tehreer  mai,n  jahaan kahai,n  koe  ghalati  nazar
                aaye uski nashaandahi kar  diya  karain.mera ilm aap ke
                saamne hai.
                                   syed khadim hussain shah gillani
                                   deona  mandi  gujrat   Pakistan 

[محمد خاور]

Khadim SaHeb,

assalam e 'alaikum

urdu rasmul khaT meN ye Silsalaa bohat shaandaar hai. issay zaroor jaari rakhiaye. is par logoN ka response ke muTaliq mairaa nazriayaa SARWAR SAHEB SE kuch mukhtalif hai.

1. is meN koi shak naheeN ke aap ke is thread meN log aap ko jawab naheeN deN ge. laikin mujhe is baat ka yaqeen hai ke nay-aye likhne walaay shair is se zaroor istafaada kareN ge. meN khud is taraH k thread se istefaada HaaSil kartaa hooN aor khaamoshi se guzar jaataa hooN.

2. meN ne koi silsaalaa qaraa_eeN ki adam dilchaspi ki wajaa se khatam naheeN kiyaa. Balke maire paas "roman" meN kuch qaaifyaa jaat thay. woh meN yahaaN post kar diaye ke agar koi nayaa shaa-ir istafaada HaSal karnaa chah-aye to kar sakay. aor mujhe to lagtaa hai ke us logoN ne kaafi istefaada kiyaa bhi. qareeban 4 maah meN 130 views heN. yani one view per day. maire khyaal meN to ye bohat achhchhi average hai. aor ye is se bhi zydaa achchhi hoti agar issay rang e sukhan meN rehnay diyaa jataa ya iSlaaH e sukhan meN rakhaa jaata. jahaaN nayee likhne walon ka aanaa hotaa hai.

Arooz o bayaan aik aisaa thread hai jahaaN par nayee likhne walay bohat kam aatay heN.

agar aap un alfaaz ko bhi urdu qaalab meN dhaal deN to kamaal ho jaa-ay ga. link ye hai

http://www.urduanjuman.com/home/index.html

mairi intezaamiyaa se darkhaas hai ke is taraH ki ma'loomaat jo naye likhne waloN ke leeaye ki madaadgaar heN un ko IslaaH e sukhan meN hi jagaa day deN. in threads ke leeaye wahaaN child board banaana bhi mufeed hogaa. 'arooz o bayaan aik khusk qism ka goshaa hai jahaaN ki mushkil tarakeeb aor beHceN kissi nayeee shakhs ke leeaye kuch khaaS dilchaspi naheeN rakhteeN. ( ye mairi raa-aye hai. kyooNke meN is dor se guzar chukaa hooN. meN ne pehlay din 'arooz ke muTaliq paRha to mujhe Saaf nazar aa rahaa thaa ke ye maire bas ki baat naheen. Allah SeHat day ustaad e moHtaram Janab AbdullaN Nazir SaHeb ko jinhoN ne shroo meN mujhe in daqeeq paicheedigioN se door rakhaa oar aahistaa aahistaa mairi dil chaspi ko baRhaayaa. ) meN bhi yehi chaahtaa hooN ke na-aye aane waloN ki pehlay madad ki jaa-aye phir un se kahaa jaa-aye ke bhai. ab aap kudh bhi kuch seekhiaye. aor ham qaaifia alfaaz ki ye laRi yaqeenan un ke leeaye madadgaar ho gi .

mukhliS,
Muhammad K. Siddiqui.

[Bheegi-Palkain]

Assalam-o_Alikum WR WB

Mujhy eik mudat say asy hi jgaha ki talash thi jhaan main seekh saku aur mujhy lagat hay k meri manzil aa chuki hay shayd

Bhot shukriya is say mujhy bhot

FeamnAllah

[Sadia N]

Assalamo-Alekam
MASHALLAH, bohat acha silsila hai, jis say hum na'ay seekhnay walon ko bohat mad'ad milay gi.
Jazak ALLAH

[azharm]

as salam o alikum,
tareef kaymustahiq hain jinhon nay itni mehnat say yeh mawad ikatha kai hai
jazzak ALLAH khair
mashkoor
azhar

[Brijinder]

aadaab.Bahut din say hum qafiya ashaar ki fehrist ki talaash maiN hoonMili bhi lekin roman main nahin.Agar koi isay roman main kar day to bahut hi meharbani hogi.
Brijinder

[سرور عالم راز]

aadaab.Bahut din say hum qafiya ashaar ki fehrist ki talaash maiN hoonMili bhi lekin roman main nahin.Agar koi isay roman main kar day to bahut hi meharbani hogi.
Brijinder

janaab Brijinder SaaHeb:aadaab!

aap kaa Khat^ dekhaa aur jee chaahaa keh kaash maiN aap ke liYe yeh kaam kar saktaa. lekin wohee waqt nah hone kaa puraanaa :bahaanaa: is kaam se roktaa hai. ziyaadah tafSeel kee Z^aroorat naheeN hai warnah aur kuchh ilzaam mujh par aa saktaa hai!

agar koyee dost yeh kaam kar de to bohat hee baRee Khidmat zabaan-o-adab kee ho gee. is ke saath hee maiN bohat inkisaaree (humility) ke saath aap se guzaarish karooN gaa keh aap thoRee see Urdu seekhne kee koshish kareN. yeh koyee mushkil kaam naheeN hai. aaj kal bohat se kitaabeN baazaar meN miltee haiN jo English kee madad se Urdu sikhaatee haiN. Swami jee aur Dheeraj donoN ne apnee koshish se Urdu seekhee hai. in ke i'laawah bhee maiN kayee dostoN ko jaantaa hooN jo aisaa kar chuke haiN. yeh sab se aasaan raastah hai kyoN keh in ham-qaafiyah alfaaz^ ke i'laawah bhee aur bohat see cheezeN aap ko mileN gee jin ko samajhne ke liYe aasaan Urdu Z^arooree ho gee.

meree tajweez kaa buraa nah maaneN. yeh maiN ne KhulooS-e-dil se likhaa hai.

Sarwar A. Raz "Sarwar"

[Ismail ajaz]

aadaab.Bahut din say hum qafiya ashaar ki fehrist ki talaash maiN hoonMili bhi lekin roman main nahin.Agar koi isay roman main kar day to bahut hi meharbani hogi.
Brijinder

janaab Brijinder SaaHeb:aadaab!

aap kaa Khat^ dekhaa aur jee chaahaa keh kaash maiN aap ke liYe yeh kaam kar saktaa. lekin wohee waqt nah hone kaa puraanaa :bahaanaa: is kaam se roktaa hai. ziyaadah tafSeel kee Z^aroorat naheeN hai warnah aur kuchh ilzaam mujh par aa saktaa hai!

agar koyee dost yeh kaam kar de to bohat hee baRee Khidmat zabaan-o-adab kee ho gee. is ke saath hee maiN bohat inkisaaree (humility) ke saath aap se guzaarish karooN gaa keh aap thoRee see Urdu seekhne kee koshish kareN. yeh koyee mushkil kaam naheeN hai. aaj kal bohat se kitaabeN baazaar meN miltee haiN jo English kee madad se Urdu sikhaatee haiN. Swami jee aur Dheeraj donoN ne apnee koshish se Urdu seekhee hai. in ke i'laawah bhee maiN kayee dostoN ko jaantaa hooN jo aisaa kar chuke haiN. yeh sab se aasaan raastah hai kyoN keh in ham-qaafiyah alfaaz^ ke i'laawah bhee aur bohat see cheezeN aap ko mileN gee jin ko samajhne ke liYe aasaan Urdu Z^arooree ho gee.

meree tajweez kaa buraa nah maaneN. yeh maiN ne KhulooS-e-dil se likhaa hai.

Sarwar A. Raz "Sarwar"

agar koyee dost yeh kaam kar de to bohat hee baRee Khidmat zabaan-o-adab kee ho gee

ek adnah see koshish meree jaanib se aiHbaab kee Khidmat meN baqiyah SafHaat bhee jald chaspaaN karne kee koshish karooN ga