Allama Iqbal ki Farsi nazm..Javed Nama ka mutaleaa

[nayeemjaved]

Urdu anjuman ke ahbab

Allam Iqbal ki ek Farsi nazm par mukhtasar mazmoon ley kar hazar hoon.  Aap apni raye zaroor daeN.


Rgds
Nayeem Javed

[سرور عالم راز]

a'zeez-e-mukarram janaab Nayeem SaaHeb:aadaab!

aap ne jis qadar meHnat aur muHabbat se yeh maZ^moon yahaaN i'naayat kiyaa hai kaash usee qadar tawajjuh is ko paRhne kee jaanib bhee dee jaatee. is Soorat-e-Haal ke do asbaab haiN:

(1) aaj kal ahl-e-Urdu nacr (prose) aur KhaaS t^aur se sanjeedah nacr kee jaanib nihaayat kam tawajjuh dete haiN. Ghazal-goyee sab par is t^araH muHeet^ ho kar reh gayee hai keh Allah-o-Akbar! yeh alag baat hai keh kaisee Ghazal kahee jaa rahee hai!

(2) pehle zamaaneh meN bachchoN ko thoRee bohat Faarsee paRhaayee jaatee thee aur achhee Urdu shaa,i'ree ke liYe Faarsee kaa kuchh i'lm bhee Z^rooree thaa. yeh Haqeeqat to apnee jagah qaa,im hai keh Faarsee ke baGhair achchee Urdu shaa,i'ree naheeN ho saktee lekin Faarsee kee ta'leem taqreeba" naa-paid ho kar reh gayee hai. chunaan.ch jab tak aap Faarsee kaa tarjumah nah kareN is ko kam hee log samajh paate haiN.

shaayad aap kee naz^ar se seh-maahee Mizraab (www.mizraab.org) guzraa ho gaa. us meN jab bhee maiN idaaraiyah meN yaa kisee maZ^moon meN Faarsee ke ash,a'ar detaa hooN to un kaa tarjumah bhee likh detaa hooN taa.k log mat^lab samajh sakeN. agar aap bhee aisaa kareN to sab ko sahoolat ho jaaYe gee.

aap ne meHnat se naz^m kaa tajziyah kiyaa hai. kyaa hee achhaa ho keh is chaupaal ke baab-e-naz^m meN aap yeh naz^m tarjumeh ke saath i'naayat kareN. mujh jaise do ek eHbaab nikal hee aaYeN ge jo us ko shauq se paRheN ge.

maZ^moon ke liYe daad aur shukryah qubool keejiYe.

Sarwar A. Raz :Sarwar: 

[زرقا مفتی]

Naeem saheb
aap ka mazmoon buhat pasand aayaa
ham meN se buhat kam logoN ne Allama Ibal ka faarsi kalaam paRha hai
aur Iqbal shinaasi is mutaley ke baghair adhori hai
aap ka shukria keh hamieN is nazm ke markazi khayal se rooshinaas karwaya
wasalam
zmufti

[nayeemjaved]

Aalijanaab Raz sb
Zarqa sahiba,

Raz sb ki har satr mere dil ki awaz hai. nacr may jitney imkanaat haiN utna hi loog us se door ho rahey haiN. Main azm kar chuka hooN nacr se juda rahoonga. I promise to add translations of persian verses.

Zarqa sahiba,

Thanks a lot for your appreciation. Urdu Anjuman is really incouraging forum.

May Allah take you and your team glory to glory.

Rgds
Nayeem Javed

[صدف]

ye khoobsoorat, ilm afroz mazmoon parh kar be ikhtiyaar dil waah kar uthhaa...
yaqin kijiye....aaj barson baad lagaa k baa baa jan marhoom ne faarsi ki calass lagaa rakhhi hai aour bazore shamshir ham jese naa ahlon ko iqbaaliyaat parhaane ki sai-e- naakaam kar rahe hoon

lakin aik farq behad waazeh rahaa
k is class mein ham zehni toar par na siraf haazir rahe, balke  andaaze bayaan ki daad bhi dete rahe.

Naeem saaheb, aap yaqinan mubarak baad k mustahiq tahrte hain...aour hameiN umid hai k aap aaeindha bhi aysi hi kaawishoN se nawaazte raheiN ge...

lage haathon aik farmaaish bhi karti chaloon

agar , waqt muyassar aaye toa
Molana Rumi  k kalaam se  bhi kuch muntakhab kijiye gaa
bohat shukriyah

[nayeemjaved]

Sadaf saheba.

Salam o Rahmat !

Aaap ki chand satreN to jaise aab daar motiyaoN sa damakta tabsera laga jo mere zauq ko sahara dey raha hai. Main zaroor farsi  ki taraf tawajjuh doonga, Khususan Roomi ka intekhaab ley kar jald hazer hoonga.

Shukriya.
Anjuman main hameesha rahney ka aarzumand.

Nayeem Javed
Saudi Arabia.Al-Khobar