Qita'-e-taareeKh (Mehmood Alam Raz, marHoom)

[Jawaid Badauni]

MaiN mimbraan ko ek baar phir aagaah karna chaahta hooN. Firozul Lughaa't ka woh edition jo mere paas hai aur jismeN 70,000 (sattar hazar) se zaiid Urdu ke alfaz, markabat, mahwraat, zarbul MiSaal aur funni iSt'taHaat ke maa'na aur tashreeh diye gaye haiN, waheeN is kaitab meN bahut se Huroof kee tafseel ke saath unke aadaad.e abjad GHALAT diye gaye haiN. Aaiye dekhte haiN is kitab men PAY harf ke bare meN kya kaha gaya hai:

Quote:

"Pay Urdu aur Farsi ka teesra harf hai. Yeh Hindi ka ikkeeswaaN harf hai.Abjad ke Hisaab se iskey teen adad muqarrar haiN."

Unquote:

Yeh Hisab-e abjad yaqeenan ghalat hai kyuuNkeh Pay ke bhi wohee addad haiN jo Bey ke yaane sirf dou (2). Mujhe Khud Hairat hai ek zimmedaar luGhaat ne hameN gumraah kyuuN kiya?

Khair ab tou yeh baat bahut Saaf ho chuki hai. Aap sub ka shukriya. Aakhir meN baqaul Khumar Barabunkwee;

ik guzarish hai Hazrat-e naseH
Aap ab aur koiee baat kareN

MukhliS
Jawaid Badauni