har sham tera khayal eise guzra
tere baghair rang-e-jamaal jaise guzra
kati har shaam intzar mein tere
tera mera visaal eise guzra
ghar mein ghareeb ke roshni kar hi gaya
chal ke baadloN se hilal eise guzra
meri taraqqee teri du'aaoN ki muhtaj rahee
du'aaoN se maaN ki waqt-e-zawal eise guzra
tere aansuoN ki qeemat ada meiN hi karoonga
khwahish-e-gham ka har malaal eise guzra
munazzim kar diye musalmaN sare ek jagah
huqumat-e-hind ka ye kamal eise guzra
meiN tujhse door hooN baghair khata ke mere
meri muhabbatoN pe ye sawal kaise guzra
talkhi ko meri sheeriN zabaN di tune
sukhan mera khushkhayal eise guzra
abrar ulhaq
muHibbee Abrar SaaHeb: aadaab!
aap kee is Ghazal ko yahaaN chaspaaN huwe kaafee waqt guzar gayaa! har cheez par bar-waqt meree nigaah to kyaa kisee kee bhee naz^ar naheeN paR saktee hai. so meree ma'Zirat qubool keejiYe. koshish to kartaa hooN keh Anjuman meN HaaZ^iree detaa rahooN lekin :Gham-e-Habeeb, Gham-e-aarzoo, Gham-e-dunyaa: kab peechhaa chhoRte haiN? Khair :der aayaad durust aayad: ke miSdaaq aaj likh rahaa hooN.
aap kee Ghazal kee zameen bohat hee banjar hai! qaafiye to DhooNDne par bhee naheeN milte. ma'loom naheeN aap ne aisee zameen kyoN muntaKhib kee. Khair, meraa Khayaal hai keh aisee banjar zameen se parhez hee behtar hai. aap asaatiZah kaa kalaam dekheN to Khaal Khaal hee aisee micaaleN miltee haiN aur un meN se beshtar Sirf :Khaanah-puree: ke Hawaaleh se hotee haiN. aap kee shaa,i'ree jald nikhar saktee hai agar aap zameen aur beHr donoN meN aasaanee ko pesh-e-naz^ar rakheN. koyee Z^arooree naheeN hai keh she'r mushkil ho, lekin us kaa achhaa honaa Z^arooree hai!
aap ke Khayaalaat to achhe haiN lekin ash,a'ar meN kotaahiyaaN reh gayee haiN. wazn bhee jaa bajaa saaqit^ ho gayaa hai. ash,a'ar kee nishaan-dehee Z^arooree naheeN hai. aap Khud dekh hee leN ge. ummeed hai keh naz^ar-e-caanee ke ba'd hameN yeh Ghazal phir dekhne ko mile gee. shukriyah!
Sarwar A. Raz "Sarwar"
Dilber MC Theme by HarzeM