ILM-E-AROOZ per aik mazmun -- Qist --- 1

[سہیل ملک]

Azeezan-e-bazm

waisay to arooz kay ilm per sarwar saaheb kay nihaet behter aur mufassel mazameen mojud haiN laikin kuch nukaat ko aik jagah per akaTha kernay kay khayal say kuch roz pehlay yeh mazmun likha aur ab issay aap kay saamnay pesh ker raha huN. issay peRhiay aur is kay mahasen (ager koi haiN ) aur naqaiS ( ta keh un ki islah ki ja sakay ) say agah kijiay.

Is mazmun ki tayyari maiN mashal e raah ka kaam sarwar saaheb kay mazameen hi nay kia. Mazeed  kuch aur jaghoN say bhi khosha cheeni ki jin maiN khas tour per qabil e ziker aasi saaheb ki kitaab faailaat hay.

Is mazmun say munsalik tables Qist 2 maiN post ker raha huN.
wassalam

Sohail Malik

[زرقا مفتی]

Suhail bhai
Ilm-ul-arooz per aap ka mazmoon dekha
bilashuba aap ne buhat mehnat ki hai
maiN sirf apni mushkilaat ke hawale se baat karoN gi kyoNk maiN is ilm se bilkul nabalad thee
is liye jab kabhee ilm-ul-arooz ke hawale se koi mazmoon dekhti to us meN mushkil istalahaat se jald hi bore ho jaati
Taqtee ke asool bhee maaloom na the
sab se pehlay Aik ghair maaroof site per janab Abdullah Nazir saheb ke mazameen dekhay aur Phir Mohtaram Sarwar saheb ne rahnumaaii ki

mera khayal hai keh mazmoon ki zaban  aasaan honi chahiye aur mushkil istalahaat ke mutbadal aasaan naam tajweez kiyye jaane chahiyeN
aur mazmoon bilkul sada urdu meN hona chahiye taak hamari english zada naujawan nasl is de mustafeed ho sake
aap ke mazmoon ke pehle 2 safhaat buhat achche aur aam feham heN aur in meN imcaal se baat waazeh karne ki koshish bhee kii gayyii hai
baaqi safhaat nisbatan muskil heN aur an meN micaaleN nahiN dii gayyiiN

umeed hai aap meri kissi baat ka bura nahiN manayeN ge
regards
zmufti

[سہیل ملک]

Suhail bhai
Ilm-ul-arooz per aap ka mazmoon dekha
bilashuba aap ne buhat mehnat ki hai
maiN sirf apni mushkilaat ke hawale se baat karoN gi kyoNk maiN is ilm se bilkul nabalad thee
is liye jab kabhee ilm-ul-arooz ke hawale se koi mazmoon dekhti to us meN mushkil istalahaat se jald hi bore ho jaati
Taqtee ke asool bhee maaloom na the
sab se pehlay Aik ghair maaroof site per janab Abdullah Nazir saheb ke mazameen dekhay aur Phir Mohtaram Sarwar saheb ne rahnumaaii ki

mera khayal hai keh mazmoon ki zaban  aasaan honi chahiye aur mushkil istalahaat ke mutbadal aasaan naam tajweez kiyye jaane chahiyeN
aur mazmoon bilkul sada urdu meN hona chahiye taak hamari english zada naujawan nasl is de mustafeed ho sake
aap ke mazmoon ke pehle 2 safhaat buhat achche aur aam feham heN aur in meN imcaal se baat waazeh karne ki koshish bhee kii gayyii hai
baaqi safhaat nisbatan muskil heN aur an meN micaaleN nahiN dii gayyiiN

umeed hai aap meri kissi baat ka bura nahiN manayeN ge
regards
zmufti

Zarqa behn assalam o alaekum

aap ki raey kay nateejay maiN meiN nay mazmun maiN kuch tabdeeli ker di hay.

darasal pehlay maiN nay tables aakhir maiN rekhay thay aur mazmun shru maiN us say shaed miCaloN ki kami ka ziada ehsaas ho rah ho. ab maiN nay her mozu kay saath hi us ka mutaaliqa table day dia hay.

rehi yeh baat keh taqtee ki her behr kay saath miCaleN dena to woh meray is mazmun ka maqsed nahiN kiunkeh woh kaam mashaAllah sarwaer saaheb pehlay hi bohat achay tereeqay say seranjaam day chukay haiN. mera maqsed sirf ilm e arooz ki kuch ehm istelaahat aur usuloN ko yakja kerna hay.


is tabdeeli say aap ko kuch behteri nazer aati hay to bataiay, ya pehli suret hi behter thi?

wassalam

sohail malik

[سرور عالم راز]

biraadaram Suhail SaaHeb: aadaab!

aap ke maZ^aameen maiN ne baRe shauq se paRhe. mujh ko a'rooZ^ kaa shauq hai aur jahaaN kaheeN kuchh naz^ar aataa hai us se istifaadeh kee koshish kartaa hooN. Asi SaaHeb kee kitaab :Faailaat: mere paas hai. unhoN ne bhee baRee meHnat kee hai.

aap kee meHnat aur shauq kee daad denaa farZ^ hee naheeN bal.k maqaam-e-masarrat hai. ab a'rooZ^ kaa i'lm uThtaa jaa rahaa hai. so is ko qaa,im rakhne ke liYe is ko aasaan aur baRee Had tak :non-technical: banaanaa ho gaa. aaj kal kis ko furSat hai keh is Khushk mauZ^oo' par waqt lagaaYe?

aap ke maZ^moon kaa pichhlaa HiSSah mushkil ho gayaa hai aur maiN Zarqa se is baare meN muttafiq hooN. Khud mere maZ^aameen mushkil haiN so un par naz^ar-e-caanee kar ke un ko :Aasaan A'rooZ^: kee shakl de rahaa hooN lekin is meN waqt bohat lagtaa hai!

abhee pichhle dinoN Sadaf ke paas Copenhagen, Denmark muqeem thaa to woh kayee din mere paas qalam-kaaGhaz le kar baiTheeN keh "mujh ko sabaqa" sabaqa" a'rooZ^ kee bunyaadee baateN sikhaaYeN taa.k kam se kam mere she'r wazn meN hoN aur faash Ghalat^iyoN se paak hoN". un kee lagan dekh kar dil bohat Khush huwaa. waapas aate aate unheN bunyaadee baatoN ke chand SafHaat likh kar de bhee aayaa thaa. ummeed hai keh kisee kaam aa hee gaYe hoN ge.

aap se darKhwaast hai keh yeh silsilah jaaree rakheN aur is ko aasaan banaane kee koshish kareN. maiN Zaatee t^aur se aap kaa mamnoon hooN keh aap ne is jaanib tawajjuh dee aur aap ke maZ^aameen paRh kar mustafeed hotaa rahooN gaa.

Sarwar A. Raz "Sarwar"

[سہیل ملک]

biraadaram Suhail SaaHeb: aadaab!

aap ke maZ^aameen maiN ne baRe shauq se paRhe. mujh ko a'rooZ^ kaa shauq hai aur jahaaN kaheeN kuchh naz^ar aataa hai us se istifaadeh kee koshish kartaa hooN. Asi SaaHeb kee kitaab :Faailaat: mere paas hai. unhoN ne bhee baRee meHnat kee hai.

aap kee meHnat aur shauq kee daad denaa farZ^ hee naheeN bal.k maqaam-e-masarrat hai. ab a'rooZ^ kaa i'lm uThtaa jaa rahaa hai. so is ko qaa,im rakhne ke liYe is ko aasaan aur baRee Had tak :non-technical: banaanaa ho gaa. aaj kal kis ko furSat hai keh is Khushk mauZ^oo' par waqt lagaaYe?

aap ke maZ^moon kaa pichhlaa HiSSah mushkil ho gayaa hai aur maiN Zarqa se is baare meN muttafiq hooN. Khud mere maZ^aameen mushkil haiN so un par naz^ar-e-caanee kar ke un ko :Aasaan A'rooZ^: kee shakl de rahaa hooN lekin is meN waqt bohat lagtaa hai!

abhee pichhle dinoN Sadaf ke paas Copenhagen, Denmark muqeem thaa to woh kayee din mere paas qalam-kaaGhaz le kar baiTheeN keh "mujh ko sabaqa" sabaqa" a'rooZ^ kee bunyaadee baateN sikhaaYeN taa.k kam se kam mere she'r wazn meN hoN aur faash Ghalat^iyoN se paak hoN". un kee lagan dekh kar dil bohat Khush huwaa. waapas aate aate unheN bunyaadee baatoN ke chand SafHaat likh kar de bhee aayaa thaa. ummeed hai keh kisee kaam aa hee gaYe hoN ge.

aap se darKhwaast hai keh yeh silsilah jaaree rakheN aur is ko aasaan banaane kee koshish kareN. maiN Zaatee t^aur se aap kaa mamnoon hooN keh aap ne is jaanib tawajjuh dee aur aap ke maZ^aameen paRh kar mustafeed hotaa rahooN gaa.

Sarwar A. Raz "Sarwar"

Mohterem Sarwar saaheb
assalam o alaekum

aap ko meri is adna si koshish ka acha lagna yaqeenan meray liay baeC e rahet o itmeenan hay. chunkeh is silsilay maiN aap kay mazameen amli tereeqay ki miCaloN kay saath wazahet pehlay hi bohat khubsureti say ker rehay haiN is liay un ko yahaN doharana mujhay munasib nahiN laga. arooz say wabestah kuch istilaahaat aur us kay kuch qawaneen ko aik jagah aur woh bhi kam say kam safhaat maiN jama kerna meray is mazmun ka maqsed tha jis ki wajah say yaqeenan yeh mazmun kuch Caqil ho gaya hay jaisa keh aap nay aur zerqa behn nay is teraf ishara bhi kia hay. aap ki rehnumai kay mutabiq koshish keruN ga keh kissi waqt is maiN say sirf woh nukat alaehda ker kay aur un ki aasan zubaan maiN tashreeh ker kay no aaamuz logoN kay liay aik mazmun ki shakel day duN laikin aap to jaantay hi haiN keh aisay mazameen kay liay khatir khwah waqt derkaar hota hay aur meri gunaguN maSrufiat maiN say itna waqt nikalna mushkil ho jaata hay. dua kijiay Allah taala behter kaam kernay ki himmet aur toufeeq day.

naik khwahishaat kay saath

sohail malik

[ضیاء بلوچ]

Sohail bhaa'ii, aadaab !

kaise mizaaj haiN ?

nehaayat ma'zirat k is qadar ta'Kheer hoga'ii, dar aSl aek to bejlii ne taNg kar rakkhaa hai ! kal to poraa din light naheeN thii , phir lod\goN ne shaahraah ko block kardiyaa jis kaa Khaatir-Khvaah nateeja neklaa aur bejlii baHaal ho ga'ii ! Allah kare k ba-Haal hii rahe ab ! Aaamen !

aap kaa mazmoon to bahut pehle paRh rakkhaa thaa aur aek baar aap kaa shukriya adaa bhii kiyaa thaa magar a'in "post" ka button dabaane ke moqa' par WAPDA vaaloN ne saazish kii aur yuuN ham sab kuchh likh kar bhi na bhej sake aur ab dobaarah likhnaa paRh rahaa hai !   laiken aap jaise ahl-e-i'lm ka shukriya to baar baar adaa karna sa'aadat-mandii hai

aap kaa mazmoon bahut u'mdah hai , aap ki meHnat Saaf Zaahir hai ! mujhe bhii sarwar saahib aur zarqaa behnaa se ittefaaq hai k ibtedaa meiN to mazmoon nehaayat a'aam fehm hai , magar darmayaan meiN aur aaKhir meiN Khaasii paicheeda ho ga'ii hai !

aSl meiN baat yeh hai k aise mazaameen kii aaj kal nau-aamozoN aur nau-javaanoN ko ziyaada aur ashad zaroorat hai , is liye mazmoon jis qadar a'aam fehm ho , achccha hai ! a'aam fehm se matlab yeh hai k zabaan salees aur jumle nehaayat aasaan aur roz-marrah zindagii se marboot alfaaz meiN adaa hoN ! is par aap mazeed koshish kar ke bahut behtar taur par yeh mufeed kaam anjaam de sakte haiN ! is ke i'laavaah mujhe Sauti taqtee' kii tesrii shakl kuchh ziyaada samajh naheeN aa'ii , is liye k aisaa lag rahaa hai k kaheeN aap ne "0" ko "L" ke taur par liyaa hai aur kaheeN "0" ko "S" ke taur par liyaa hai ? aap is par nazar-e-caanii farmaayeN ! aur merii fahm-e-kootaah ko mustafeez farmaayeN ! aap kaa nehaayat mamnoon hooNga !

baaqii sab Khairyat ! Allah aap ki mdad farmaaye aur aap ke shauq ko mazeed baRhaaye taa k ham sab mustafeez ho sakeN ! Allah aap ko i'zzat aur salaamati de Aameen ! shukruya

Zia Baloch

[سہیل ملک]

Sohail bhaa'ii, aadaab !

kaise mizaaj haiN ?

nehaayat ma'zirat k is qadar ta'Kheer hoga'ii, dar aSl aek to bejlii ne taNg kar rakkhaa hai ! kal to poraa din light naheeN thii , phir lod\goN ne shaahraah ko block kardiyaa jis kaa Khaatir-Khvaah nateeja neklaa aur bejlii baHaal ho ga'ii ! Allah kare k ba-Haal hii rahe ab ! Aaamen !

aap kaa mazmoon to bahut pehle paRh rakkhaa thaa aur aek baar aap kaa shukriya adaa bhii kiyaa thaa magar a'in "post" ka button dabaane ke moqa' par WAPDA vaaloN ne saazish kii aur yuuN ham sab kuchh likh kar bhi na bhej sake aur ab dobaarah likhnaa paRh rahaa hai !   laiken aap jaise ahl-e-i'lm ka shukriya to baar baar adaa karna sa'aadat-mandii hai

aap kaa mazmoon bahut u'mdah hai , aap ki meHnat Saaf Zaahir hai ! mujhe bhii sarwar saahib aur zarqaa behnaa se ittefaaq hai k ibtedaa meiN to mazmoon nehaayat a'aam fehm hai , magar darmayaan meiN aur aaKhir meiN Khaasii paicheeda ho ga'ii hai !

aSl meiN baat yeh hai k aise mazaameen kii aaj kal nau-aamozoN aur nau-javaanoN ko ziyaada aur ashad zaroorat hai , is liye mazmoon jis qadar a'aam fehm ho , achccha hai ! a'aam fehm se matlab yeh hai k zabaan salees aur jumle nehaayat aasaan aur roz-marrah zindagii se marboot alfaaz meiN adaa hoN ! is par aap mazeed koshish kar ke bahut behtar taur par yeh mufeed kaam anjaam de sakte haiN ! is ke i'laavaah mujhe Sauti taqtee' kii tesrii shakl kuchh ziyaada samajh naheeN aa'ii , is liye k aisaa lag rahaa hai k kaheeN aap ne "0" ko "L" ke taur par liyaa hai aur kaheeN "0" ko "S" ke taur par liyaa hai ? aap is par nazar-e-caanii farmaayeN ! aur merii fahm-e-kootaah ko mustafeez farmaayeN ! aap kaa nehaayat mamnoon hooNga !

baaqii sab Khairyat ! Allah aap ki mdad farmaaye aur aap ke shauq ko mazeed baRhaaye taa k ham sab mustafeez ho sakeN ! Allah aap ko i'zzat aur salaamati de Aameen ! shukruya

Zia Baloch

Zia bhai aadab!

aaj kai roz ki taateel kay baad wapis aya so bazm maiN hazri day reha huN.

mazmun per aap kay izhaar e khayal ka mamnun huN aur aap ki raey meray liay ehm hay.

souti taqtee ki teesri suret say aap ko mughalita lagnay ki wajah ghaliban yeh hay keh aap issay pehli do suretoN kay rukh per yeni baeN say daeN hi peRh rehay huN gay jabkeh issay urdu rasm ul khat kay mutabiq daeN say baeN peRhiay to terteeb wazeh hay. kia khayal hay?


wassalam

sohail malik